Tibb bacılığını buraxan TikTokerin gəliri - 3 dəfə...

Tibb bacısı olaraq həftədə üç dəfə 12 saatlıq növbə ilə işləməkdən bezən TikToker dolanışıq üçün tamam başqa üsul seçib. 

News24.az xəbər verir ki, TikTok-da "Camaşırçı Qız" kimi tanınan Cami tibb bacısı kimi 13 yorucu ildən sonra işini tərk edib, camaşırxana sahibi kimi yeni karyera yolu ilə getməyə qərar verib.

Tibb bacısı olmağı çox sevdiyini ifadə edən Cami, 20 yaşında olarkən uzun saatlar işləyə biləcəyini düşündüyünü, lakin sonrakı illərdə, yəni 50-60 yaşlarında bu işi görmək fikrinin qorxulu görünməyə başladığını ifadə edib. 

Həyatının ən mühüm qərarlarından biri olan camaşırxananı 300 min dollara alıb, özünə məxsus etməyə başlayıb.

Böyük həyat dəyişikliyinə baxmayaraq, Cami camaşırxana almaq qərarına "heç vaxt peşman olmadığını" deyib.

İndi o, camaşırxanaya diqqətini cəmlədiyi üçün iş həyatının əvvəlkindən “daha yaxşı”olduğunu qeyd edib. Daha az saat işləməsinə baxmayaraq, o, tibb bacısı kimi işlədiyindən üç dəfə çox qazanır və bəzi aylarda 25.000 dollar gəlir əldə edir.

Məryəm İlhamqızı