Qadın qisası: Sabiq ərini onun rəqibinə belə satdı

Yüngül çəkidə WBA versiyası üzrə dünya çempionu Dmitri Bivolun keçmiş həyat yoldaşı Yekaterina onun rəqibi Artur Beterbievə Dmitrini karyerası müşayiət edən bütün zədələri barədə məlumat verib.

News24.az Publika.az-a istinadla xəbər verir ki, Yekaterina bu barədə sosial şəbəkədə Beterbiyevə şəxsi mesajında yazıb.

“Bivolun mənə etdiyi bütün hücumlardan, oğullarıma aliment ödəməməsindən və onlarla ünsiyyətdən tamamilə imtina etməsindən sonra sizə bildiyim hər şeyi demək istəyirəm: onun onurğa sütununda stress yırtığı var. Bütün barmaq oynaqları əməliyyat olunub, özü də dəfələrlə.

Dizləri çox ağrıyırdı, sol qulağı daim şişirdi, dəfələrlə qırılıb və gözünə dəfələrlə maye yığılıb. Bəzən yaxşı görmürdü. Amma əsas odur ki, o qorxaqdır! Bizə sənin qələbən lazımdır, Artur”, – Yekaterina yazıb

Xatırladaq ki, Bivol və Beterbiyev arasında döyüş oktyabrın 12-də Səudiyyə Ərəbistanında baş tutacaq.