Yuxuda gəzən azyaşlı YOXA ÇIXDI

ABŞ-da məktəbli qız yuxuda gəzərək meşəyə gedib və tapılana qədər orada bir gün keçirib.

News24.az bu barədə Louisiana Radio Network-ə istinadla xəbər verir.

Axşam Luiziana ştatının Dubberley şəhərindən olan Payton Saintignant yatmağa gedib. Ertəsi gün səhər qızın valideynləri yuxudan oyanıblar ki, qızları itkin düşüb. 

Onlar polisə izah ediblər ki, Payton "tez-tez yuxuda gəzir" və bəzən gecələr həyətə çıxır, lakin indiyə qədər o, heç vaxt evi tərk etməyib.

Qızın axtarışına ən azı 200 nəfər qoşulub, hüquq-mühafizə orqanlarının əməkdaşları və könüllülər bütün gün uşağı axtarıblar.

Qız meşəlik ərazidə yatarkən dron tərəfindən aşkar edilib. Həkimlər qızın ac olsa da yaxşı olduğuna əmin olaraq evə göndəriblər.

Məryəm İlhamqızı