Mağaza yoxsa ev yumurtaları təhlükəsizdir? - AÇIQLAMA

Toyuq yumurtası gündəlik qida rasionumuzun əsas məhsullarından biridir. Yumurtada çoxlu qida və faydalı mikroelementlər var, lakin həkimlər hələ də onları məhdud miqdarda istehlak etməyi məsləhət görürlər.

Bir çox insanlar səhvən evdə hazırlanmış yumurtaların mağazada satın alınanlardan daha təhlükəsiz olduğuna inanırlar. 

News24.az xəbər verir ki, "Rossiya" kanalındakı "Ən vacib şey haqqında" verilişinin mütəxəssisləri bunun niyə belə olmadığını izah ediblər.

Aşpaz Qleb Astafyevin sözlərinə görə, iri fermer təsərrüfatlarında yumurta istehsal edən toyuqlar adətən mono-pəhrizdə olur və onların qidalanmasına ciddi nəzarət edilir. Axı, böyük bir zavodda bir quş belə xəstələnsə, bu, sonradan bütün şirkətə ciddi ziyan vura bilər. Müvafiq olaraq, orada nəzarət toyuqların təkcə yemi deyil, həm də ot, taxıl və hətta həşəratları yeyə biləcəyi ev təsərrüfatlarından daha sərtdir.

“İstənilən halda, bu toyuq yumurtalarını haradan alırsınızsa, istifadə etməzdən əvvəl mütləq yuyub sterilizasiya edin”, - aşpaz tövsiyə edib.

Məryəm İlhamqızı