Qurban Qurbanovun sükutunda GİZLƏNƏN CAVAB

Nədənsə "Qarabağ"ın Avropa səhnəsindəki hər məğlubiyyətindən sonra eyni söhbət dövriyyəyə buraxılır.

Qurban Qurbanov "Qarabağ"dan getməlidir. Ki, maksimumu budur. O, klubun daha da böyüməsinə mane olur.

Təcrübəli mütəxəssisə də "Ayaks"la oyundan sonra təxminən yuxarıdakı məzmunda sual ünvanlanıb.

O isə bildirib ki, belə söhbətlərlə bağlı deyəcək fikrim yoxdur.

Məncə, Qurbanov öz abırına qısılıb. Kiminsə həyasını aparmaq istəməyib. Həm də böyük səbr nümayiş etdirib.

Əks halda, deməliydi ki, tutaq "Qarabağ"ın daha da böyüməsinə mən mane oluram. Bəs digər 9 Azərbaycan klubunun önünü kəsən kim(lər)dir?

Böyümək elə bu qədər asandırsa, yerimə gətirmək istədiyiniz adamları aparın digər 9 Premyer Liqa klubuna.

Daha da böyüməsinlər, elə "Qarabağ" qədər böyüsünlər bəsimizdir.// sportinfo