Qadın maşında yanaraq öldü - Hadisənin GÖRÜNTÜSÜ

REKLAM

AZ

 

Marneuli-Tbilisi magistralında ağır qəza: 1 ölü, 3 yaralı - FOTO/VİDEO

Bugün 1277Hadisə

A

Marneuli-Tbilisi magistralında ağır qəza: 1 ölü, 3 yaralı - FOTO/VİDEO

Marneuli-Tbilisi magistral yolunun Koda kəndi ərazisində ağır yol-nəqliyyat hadisəsi bir nəfərin faciəvi şəkildə həyatına son qoyub.

News24.az xarici mətbuata istinadən xəbər verir ki, qəza 2 noyabr gecə saatlarında baş verib.

Məlumata əsasən, "Mercedes" və "BMW" markalı avtomobillər toqquşub və nəticədə "BMW" alışaraq yanıb. Təxminən 50 yaşlı qadın maşının içərisində yanaraq həlak olub. Həyatını itirən şəxsin Nino Euaşvili olduğu məlum olub.

"Bildiyimizə görə, Nino və iki digər şəxs ad günündən qayıdırdılar və elə o zaman bu faciə baş verdi. Koda yolunda iki maşın toqquşub. Nino arxa oturacaqda idi, toqquşmadan sonra qapı kilidlənib və çıxmağa vaxtı olmayıb. Maşın alovlanıb və o, avtomobilin içərisində yanıb. Dəhşətli bir hadisə oldu, böyük faciə yaşandı. Öndə oturanlar vaxtında çıxmağı bacarıb və sağ qalıblar. Nino çox gözəl insan idi, onun haqqında danışmaq çətindir" – yerli sakinlərdən biri bildirib.

Hadisə nəticəsində daha üç nəfər xəsarət alıb.

Daxili İşlər Nazirliyinin məlumatına görə, yol-nəqliyyat hadisəsi ilə bağlı istintaq Cinayət Məcəlləsinin 276-cı maddəsi əsasında aparılır.

Nəzrin