Tramp: "Bütün müsəlmanlar məni dəstəkləyir”

Donald Tramp X sosial media platformasındakı paylaşımında Demokratlar Partiyasının namizədi Kamala Harrisin kabinetini “istirahətçilər” adlandırıb.

News24.az xəbər verir ki, ABŞ-ın siyasi tarixində “ən böyük və ən geniş koalisiyanı” qurduqlarını iddia edən Tramp, “Bura Miçiqanda sülh istəyən rekord sayda ərəb və müsəlman seçici daxildir” deyib. 

Donald Tramp Miçiqandakı ərəb və müsəlman seçicilərin onu dəstəklədiyini bildirib.

Onu da qeyd edək ki, ABŞ-da müsəlmanların hüquqlarını müdafiə edən ən böyük təşkilat olan Amerika-İslam Münasibətləri Şurası (CAIR) müsəlman icmasının son prezident seçkilərinə münasibəti ilə bağlı sorğu keçirib.

Sorğuda Demokrat Partiyasının namizədi Kamala Harris 41% ilə müsəlman seçicilər üçün daha çox prioritet olub, Respublikaçı namizəd Donald Trampa səs verəcəklərini deyənlərin nisbəti isə 9,8 faizdə qalıb.

Günel Məlikzadə