Komandamız üçün çətin qarşılaşma - "Qarabağ" bu gün məğlub olsa...

UEFA Avropa Liqasının Liqa mərhələsinin IV turunda "Qarabağ" bu gün səfərdə Norveçin "Budyo Qlimt" klubu ilə qarşılaşacaq.

News24.az xəbər verir ki, bu görüş "Qarabağ" üçün olduqca əhəmiyyətlidir. Əgər, Ağdam klubu bugünkü qarşılaşmada məğlub olsa, növbəti mərhələ şansını böyük ölçüdə itirəcək. 

Buna səbəb növbəti rəqiblərin daha ciddi və "Qarabağ"ın bu mövsüm potensialından aşağı çıxış etməsidir. "Qarabağ" Avrokuboklarda  son 5 görüşdə (ÇL pley-off və AL-ın  Liqa mərhələsi) məğlub olub.  Avropa Liqasının Liqa mərhələsində hər 3 görüşdə məğlub olan "Qarabağ" turnirin sonuncu pilləsində qərarlaşıb. "Budyo Qlimt" vəziyəti isə "Qarabağ"dan çox yaxşıdır, 7 xalla turnir cədvəlinin 9-cu pilləsində qərarlaşıb. 

Ağdam klubu bu gün məğlub olacağı təqdirdə, ən azı 2 klub ilk "18-lik" şansını artıraraq növbəti mərhələni böyük ölçüdə həll edə bilər. Belə olduğu zaman "Qarabağ" 8 komanda ilə yox, 12-14 komanda ilə mübarizə aparmalı olacaq.

Qeyd edək ki, görüş Bakı vaxtı ilə saat 21:45-də Bododa "Aspmira" stadionunda start götürəcək.

Ağa