Tümendə Azərbaycan vətəndaşı 11 nəfərin ölümünə səbəb oldu

Tümendə məhkəmə 30 yaşlı Azərbaycan Respublikası vətəndaşı barəsində qərar çıxarıb. 

News24.az xəbər verir ki, həmin şəxs istehlakı nəticəsində 11 nəfərin ölümünə səbəb olan saxta spirtli içkilərin saxlanması, daşınması və satılmasında təqsirli bilinib.

Tümen vilayəti prokurorluğunun mətbuat xidmətinin məlumatına görə, təqsirləndirilən şəxs 2021-ci ilin avqustundan 2022-ci ilin yanvarına qədər pərakəndə satış üçün mağazalara tədarük etdiyi metil spirti ilə etiketlənməmiş təxminən 46 qutu alkoqollu içki alıb.

Bundan əlavə, o, zibil qablarına 16 qutu qoymağa qərar verib. Yerli sakinlər onları aşkar edərək içindəkiləri içib və zəhərləniblər. Nəticədə 11 Tümen sakini həlak olub, daha 3 nəfər yaralanıb.

Təqsirləndirilən şəxs Rusiya Federasiyası Cinayət Məcəlləsinin 238-ci maddəsi ilə ittiham olunur. 

Məhkəmə hökmü elan edib: 6 il müddətinə azadlıqdan məhrumetmə cəzası, ümumi rejimli islah koloniyasında çəkilməsi.

Məryəm İlhamqızı