Dollarla ödəniş etmək mümkün olmayacaq: Nə baş verir?

Ruslar xaricdə ABŞ dolları mübadiləsi zamanı çətinliklərlə üzləşə bilərlər.

News24.az publika.az-a istinadla xəbər verir ki, bunu professoru Aleksey Voylukov bildirib.

Professorun dediyi kimi, bir çox ölkələr köhnə əskinasları qəbul etməkdən imtina edir və ya daha az sərfəli məzənnə təklif edir. Eyni zamanda, rəsmi olaraq hər hansı bir il buraxılmış ABŞ dolları əskinasları qanuni ödəniş vasitəsidir.

Ekspertin sözlərinə görə, dollara qarşı ən sərt tələblər yalnız yeni əskinasları götürməyə üstünlük verən Cənub-Şərqi Asiya ölkələrində müşahidə olunur. BƏƏ-də köhnə dollarlar dəyişdirilə bilər, lakin komissiya var. Türkiyə və Misirdə istənilən əskinasların qəbul edildiyi bildirilir, lakin onların çox köhnəlməməsi vacibdir.

Voylukov bildirib ki, Rusiya bankları da köhnə dollarları qəbul etməkdən imtina edə və ya yüksək komissiya təklif edə bilər. Mütəxəssislər, xüsusən də xaricə səyahət etməzdən əvvəl, mümkün olduqca köhnə pulları yeniləri ilə dəyişməyi məsləhət görürlər.