Avtomobili piyadaların üzərinə sürdü – 35 nəfər öldü

Çinin cənubundakı Quandun əyalətinin Cuhay şəhərində bir şəxs avtomobili nəqliyyat üçün bağlanan yolda piyadaların üzərinə sürüb.

News24.az xəbər verir ki, yerli polis bölməsinin açıqlamasında qəzanın dünən axşam saatlarında baş verdiyi bildirilib. Avtomobili idarə edən şəxs piyadaların açıq havada getdiyi əraziyə daxil olaraq onlara çırpılıb. 35 nəfər həyatını itirib, çoxlu sayda insan yaralanıb.

Səlahiyyətlilər 68 yaşında olduğu və soyadı Fan olan kişi sürücünün hadisə yerində yaxalandığını bildirib.

Hadisənin hansı səbəbdən baş verdiyi ilə bağlı hələlik heç bir açıqlama verilməsə də, polis hadisə ilə bağlı araşdırmalara başlayıb.

Hadisə bu gün şəhərdə başlayan Cuhay Aviasiya Sərgisindən (Airshow China) əvvəl baş verib. Beynəlxalq tədbir olan yarmarka ilə əlaqədar bölgədə artan təhlükəsizlik tədbirləri kifayət etməyib.

Çin sosial mediasında baş verən hadisə ilə bağlı məlumatlar senzuradan keçirilsə də, yaralıların sayı və mümkün itkilərlə bağlı rəsmi açıqlama verilməyib.

Aynurə