"Tesla" qapılarını kilidlədi! Faciə yaşandı

Kanadanın Toronto şəhərində baş verən qəza zamanı “Tesla” markalı avtomobil yüksək sürətlə maneələrə çırpılıb. 

News24.az Söz.az-a istinadən xəbər verir ki, qəza zamanı “Tesla” avtomatik olaraq qapılarını kilitləyib. 

Avtomobildə baş verən yanğın nəticəsində 25 yaşlı Neelraj Qohil, onun 29 yaşlı bacısı Ketaba Qohil və onların dostları Cey Sisodiya ilə Diqvijay

Patel faciəvi şəkildə yanaraq dünyasını dəyişib.

Avtomobildə olan 4 nəfər həyatını itirərkən, hadisə yerindən keçən poçt işçisi Rik Harperin sayəsində 20 yaşlarında bir qadın xilas edilib.

Harper yaxınlıqda tapdığı metal barla pəncərəni sındıraraq qadını son anda avtomobildən çıxara bilib. 

Qəza zamanı elektrik kəsilməsi səbəbindən “Tesla” avtomobillərindəki elektron qapı sisteminin açılmadığı bəlli olub.