2025-ci ildə bu sahədə çalışanların maaşı artacaq

"Son üç ildə polis və hərbiçilərin maaşları 45%, dövlət qulluqçularının maaşları isə 30% artıb".

News24.az Aktual.ge-yə istinadla xəbər verir ki, bu, 2025-ci ilin dövlət büdcəsinin redaktə olunmuş variantında göstərilib.

"Son 3 ildə hərbiçilər və polis əməkdaşlarının maaşları 45% artırılıb. 2021-ci ildə həyata keçirilmiş qanunvericilik dəyişiklikləri əsasında hərbiçilər və polis işçilərindən əlavə, bütün dövlət sektorunda çalışanlar üçün maaşların tənzimlənməsi prosesi başlanıb. Bu müddət ərzində dövlət sektorunda işləyənlərin maaşı 30%-dən çox artıb.

Təhsil və elm sahəsində (uşaq bağçalarının maliyyələşdirilməsi daxil olmaqla) maliyyələşmə 1 milyard 400 milyon lari artıb (ümumi artmış büdcənin 20%-i), və 2024-cü ildə bu sahənin maliyyələşdirilməsi 3 milyard 300 milyon lariyə çatacaq (65%-dən çox artımla). Artan maliyyələşmə çərçivəsində dövlət məktəblərinin müəllimlərinin orta maaşının 700-800 lari arasında, uşaq bağçaları işçilərinin orta maaşının isə 300 lari artması mümkün olub," - deyə büdcə layihəsində bildirilir.

Həmçinin, ölkənin əsas maliyyə sənədinə əsasən, büdcə layihəsinə görə: 2025-ci ildə Müdafiə Nazirliyi üçün 1,6 milyard lari nəzərdə tutulub. Ayrılmış vəsait çərçivəsində hərbiçilərin maaşlarının 10% artırılması da planlaşdırılır;

Daxili İşlər Nazirliyi üçün 1,350 milyard lari ayrılıb və bu vəsait daxilində polis əməkdaşlarının maaşlarının 10% artırılması da nəzərdə tutulub.

2025-ci ilin layihəsinə əsasən, baza vəzifə maaşı 2024-cü illə müqayisədə 10% artırılaraq 1,460 lari səviyyəsində müəyyənləşdirilib, bu da dövlət sektorunda çalışanların maaşlarının 10% artmasını təmin edəcək.

Qeyd edək ki, "Dövlət qurumlarında əmək haqqı haqqında" Gürcüstan Qanununa əsasən, dövlət büdcəsi ilə hər il baza vəzifə maaşı müəyyənləşdirilir ki, bu da hər bir büdcə təşkilatının ştat cədvəlində nəzərdə tutulmuş əmsalla vurularaq dövlət qulluqçusunun aylıq maaşını müəyyən edir.