İran nüvə silahı istehsal edəcək? – Pezeşkian açıqladı

İran prezidenti Məsud Pezeşkian nüvə silahı istehsal ediləcəyi ilə bağlı iddialarla bağlı açıqlama verib.

News24.az xəbər verir ki, Pezeşkian ölkəsinin nüvə silahı istehsal edə biləcəyi ilə bağlı iddiaları rədd edib.

O, ölkənin dini rəhbəri Ayətullah Əli Xamneyinin fətvasına uyğun olaraq, heç bir şəkildə nüvə silahı istehsal etməyə çalışmadıqlarını və onun bu siyasətdən kənara çıxmasına imkan verməyəcəklərini bildirib.

Qeyd edək ki, Pezekian Tehranda Beynəlxalq Atom Enerjisi Agentliyinin (MAQATE) prezidenti Rafael Mariano Qrossini qəbul edib.  

Görüş zamanı Pezeşkian ölkəsinin nüvə proqramının MAQATE ilə əməkdaşlıq çərçivəsində davam etdiyini və şübhələri aradan qaldırmağa hazır olduqlarını bildirib.