Bunları hər gün edirik - İnsan həyatını sona yaxınlaşdırır

Ölüm nisbətlərinin gündəlik rutinlərə görə sıralanması nəticəsində ilk sırada yol qəzalaları gəlir. Bunların başında isə avtomobil sürərkən telefona baxmaq və danışmaq yer alır. 

News24.az xəbər verir ki, araşdırmalara görə, avtomobil sürərkən telefona baxmaq qəza riskini 23 dəfə artırır. Dünya Səhiyyə Təşkilatının (ÜST) məlumatlarına görə, yol qəzalarının 20 faizi sürücünün diqqətinin dağılmasından qaynaqlanır. Bir saniyəlik diqqətsizliklər geri dönülməsi mümkün olmayan nəticələrə yol açır.

EVDƏ TƏMİR İLƏRİ: Evinizdə təmir işləri sıradan bir iş kimi görünsə də, hər il dünya üzrə təxminən min nəfər evdəki elektrik cihazları və naqillərinə yanlış müdaxilə nəticəsində həyatını itirir. Xüsusilə damlarda təhlükəsizlik tədbirləri olmadan işləmək, yıxılma nəticəsində ölümə səbəb ola biləcək qəzalardandır.

KƏMƏR TAXMADAN YOLA ÇIXMAQ: Yolda sürət həddini aşmaq və təhlükəsizlik kəməri taxmamaq ölüm riskini artırır. Avropada aparılan bir araşdırmaya görə, təhlükəsizlik kəməri taxmayan birinin ölüm riski 10 dəfə çoxdur. Sürət hədlərinin aşılması isə ölümcül qəzalarda əsas səbəblərdən biri hesab olunur.

ÜZMƏK: Üzmə nəticəsində boğulma ən çox ölümün baş verdiyi səbəblərdən biridir. Dünya üzrə hər il təxminən 236.000 insan boğulma nəticəsində həyatını itirir. Açıq sularda üzməyi bilmədən və ya tək başına üzmək ölüm hallarının əsas səbəblərindəndir. Dünya Səhiyyə Təşkilatına görə, boğulma hallarının 80 faizi sadə təhlükəsizlik tədbirləri ilə qarşısı alına bilər.

ÇİY QIDALARIN İSTİFADƏSİ: Salmonella, E. coli və listeriya kimi bakteriyalar az bişmiş ət və ya çiy dəniz məhsullarından ötürülür. ABŞ Xəstəliklərə Nəzarət və Profilaktika Mərkəzləri (CDC) hər il 420.000 nəfərin qida ilə yoluxulan xəstəliklər səbəbindən öldüyünü bildirir. Xüsusilə çiy qidaların istifadəsində gigiyena qaydalarına əməl edilməməsi ciddi nəticələrə yol aça bilər.

İDMANIN VURDUĞU ZƏRƏR: Hər nə qədər idman və məşq fəaliyyətləri sağlamlıq üçün faydalı olsa da, sərhədləri zorladıqda ölüm riski yarana bilər. “British Heart Foundation”a görə, nəzarətsiz idman fəaliyyətləri nəticəsində hər il təxminən 500 nəfər ürək tutmasından ölür. Xüsusilə idman etmək istəyən 40 yaşdan yuxarı şəxslərin sağlamlıq yoxlamasından keçməsi vacibdir.

KASKASIZ YOLA ÇIXMAQ: Sürət həvəskarlarının ən çox seçdiyi nəqliyyat vasitələri arasında motosikletlər yer alır. Həmçinin, görünüşcə sadə olan motosiklet və velosiped qəzalarına görə ölüm hallarının sayı çoxdur. Dünya Səhiyyə Təşkilatına görə, kaska istifadə edilməsi baş zədələrinin riskini 70 faiz, ölüm riskini isə 40 faiz azaldır.

EVDƏ TƏMİZLİK ÖLÜMCÜL OLA BİLƏR: Evin təmizliyi zamanı çamaşır suyunu və ammiak kimi kimyəvi maddələri qarışdırmaq ölümcül toksik qazlar yarada bilər. Hər il təxminən 100.000 nəfər kimyəvi zəhərlənmə səbəbindən xəstəxanaya yerləşdirilir. Xüsusilə bağlı mühitlərdə kimyəvi maddələrdən istifadə edərkən diqqətli olmaq həyati əhəmiyyət kəsb edir. 

GÜNƏŞ ŞÜALARI: Hər il 60.000 nəfər dəri xərçəngi səbəbindən həyatını itirir. Uzun müddət qorunmasız Günəş şüalarına məruz qalmaq, yalnız gün vurması deyil, eyni zamanda melanom kimi ölümcül dəri xəstəliklərinə də səbəb ola bilər.