Ər və arvad evlərində ölü tapıldı - Ölüm səbəbləri...

Türkiyədə Əli Osman Er (55) və həyat yoldaşı Medine Erin (60) cütlüyündən xəbər ala bilməyən qonşuları tərəfindən evə yanğınsöndürənlər çağırılıb.

News24.az xəbər verir ki, pəncərəni sındıraraq içəri daxil olan yanğınsöndürənlər yataq otağında cütlüyün cansız bədəni ilə qarşılaşıblar.

Polis qruplarının hadisə yerində apardığı ilk araşdırmada cütlüyün dünən axşam yeməyində balıq yedikdən sonra yatmağa getdiyi və qida zəhərlənməsi nəticəsində öldüyü müəyyən edilib.

Haymana Dəmirözü kəndində qeydiyyatda olan ər-arvadın cəsədləri yarılma üçün məhkəmə tibb müəssisəsinə göndərilib.

Hadisə ilə bağlı araşdırmalara başlanılıb.

Günel Məlikzadə