Ard-arda partlayışlar baş verdi: Bu ərazi işıqsız qaldı

Ukraynanın enerji infrastrukturuna güclü zərbə endirilib.

News24.az Publika.az-a istinadla xəbər verir ki, Ukraynanın energetika naziri German Qaluşenko ölkənin enerji infrastrukturuna kütləvi hücum barədə məlumat yayıb.

Onun bəyanatı Energetika Nazirliyinin "Telegram" kanalında dərc olunub.

Qaluşenkonun sözlərinə görə, bölgələrdə elektrik enerjisinin verilişində fövqəladə fasilələr tətbiq edilib.

“Strana.ua” nəşri yazır ki, Kiyevdə, eləcə də Dnepropetrovsk, Poltava və Donetsk vilayətlərində elektrik enerjisi kəsilib.

Rovno vilayətində isə raket zərbəsindən sonra su təchizatında fasilələr olacağı barədə xəbərdarlıq edilib.

Qeyd edək ki, bu gün səhər saatlarında Ukraynanın bir sıra şəhərlərində, eləcə də Kiyevdə ardıcıl partlayışlar qeydə alınıb.