"Amerikaya necə köçdüm?"

Amerikaya köçən aparıcı Hüsniyə Məhərrəmova ona ən çox verilən sualı cavablandırıb. 

News24.az Axşam.az-a istinadla xəbər verir ki, aparıcı ABŞ-yə hansı yolla köçdüyünü açıqlayıb. 

"Amerikaya necə gəldim? Həyatımda heç bir sualı bu qədər eşitməmişdim: Amerikaya birbaşa "Green Card" verən immiqrant istedad vizası - "Immigration Visa for Individuals with Extraordinary Ability" ilə gəlmişəm.  Bu gün Amerika dövləti tərəfindən qeyri-adi istedada malik mütəxəssis kimi tanınmağım, nə yalan deyim, məni həmişəkindən bir az da çox özümdən razı edir.

Bilirəm çox adam köçmək istəyir, hamı da məndən yollarını soruşur. Yolları çoxdu. Meksikada darvazadan hoppanıb keçməkdən tutmuş biznes, istedad və ya tələbə visasına qədər. Amma bunun üçün ən doğru yol bu işin peşakarına müraciət etməkdir".