“Putinin Ukraynaya hücum etmək niyyəti olmayıb” – Merkel

Almaniyanın keçmiş kansleri Angela Merkel hesab edir ki, Rusiya lideri Vladimir Putin prezidentliyinin əvvəlində Ukraynaya hücum etmək niyyətində olmayıb və onun planı illər ərzində, o cümlədən Qərbin davranışlarını nəzərə alaraq ortaya çıxıb.

News24.az xəbər verir ki, Merkel bu barədə xatirələrinin nəşri ilə bağlı “Spiegel”ə müsahibəsində deyib.

Merkel Putinin əvvəlcə aqressiya planının olub-olmaması, yoxsa Rusiya liderinin tədricən radikallaşması ilə bağlı sualı cavablandırarkən deyib. 

O, Qərbin “hər şeyi düzgün edib-etmədiyi” sualına dəqiq cavabı olmadığını deyib. 

Merkel 2008-ci ildə Buxarestdə Ukraynanın NATO-ya daxil olmasına zəmin yaradılmasına birbaşa müdaxilə etdiyinə dair tənqidləri rədd edib.

“Buxarestdə söhbət Ukrayna və Gürcüstanın üzvlüyə namizəd kimi NATO-nun fəaliyyət planının qəbulundan gedirdi. Mən hesab edirdim ki, bu, ümid prinsipinə əsaslanan siyasətdir və qəbuldan sonra keçəcək vaxtı nəzərə almır. NATO-nun fəaliyyət planını poza bilər və Putin heç bir şey etmədən bu müvəqqəti statusu bir maneə kimi qəbul etməyəcək”, - deyə Merkel bildirib.

Merkel öz xatirələrində Ukraynanın NATO-ya üzv olmaq niyyətlərini ləngitmək üçün etdiyi hərəkətləri izah edib.

O, həmçinin Donald Trampla ünsiyyətdəki çətinlikləri təsvir edib və onu avtoritar liderlərin, o cümlədən Putinin valehedici adamı adlandırıb.

Aynurə