Laçında zəlzələ oldu, dağıntı və ya xəsarət alan...

Xəbər verdiyimiz kimi, bu gün saat 12:10-da Laçın rayonunda zəlzələ baş verib.

Fövqəladə Hallar Nazirliyi baş verən zəlzələ barədə məlumat yayıb.

Nazirlikdən News24.az-a bildirilib ki, zəlzələ nəticəsində hər hansı dağıntı və ya insan xəsarəti barədə bu vaxtadək FHN-ə məlumat daxil olmayıb.

Qeyd edək ki, Ermənistanın Daxili İşlər Nazirliyi də Azərbaycanda baş verən zəlzələ barədə məlumat yayıb. Məlumata görə, zəlzələ Azərbaycanla həmsərhəd olan Gorus, Mehri, Qafan və daha bir neçə yaşayış məntəqəsində hiss olunub.