2025-ci ildə telefonlarda peyk internet xidməti gələcək

Dünyada 2,5 milyard insan internetə daxil ola bilmir, lakin bu vəziyyətin gələcəkdə dəyişəcəyi gözlənilir. 

News24.az xarici mətbuata istinadən xəbər verir ki,  İlon Maska məxsus "SpaceX"in peyk internet şəbəkəsi smartfonları "Direct to Cell" peykləri ilə şəbəkəyə qoşmağa hazırlaşır.

Texniki imkansızlıq səbəbindən mobil telefonların yüzlərlə kilometr uzaqlıqdakı peyklərə qoşulması kifayət qədər çətindir.

Şirkətin açıqlamasında bildirilir ki, Starlink peykləri bu çətinliklərin öhdəsindən gəlmək və mobil telefonlara standart LTE xidməti göstərmək üçün innovativ yeni xüsusi silikon, mərhələli sıra antenaları və qabaqcıl proqram alqoritmləri ilə təchiz edilib.

Açıqlamada səsli zənglər, data və əşyaların interneti kimi xidmətlərin 2025-ci ildə istifadəyə veriləcəyi açıqlanarkən mesajlaşma xidmətinin bu il başladığı bildirilib.

Ağa Dadaşzadə