İt ətini küçədəcə doğrayıb, "əkmək arası" satırlar

Çində it əti küçə yeməyi kimi satılır: sosial mediada yayılan görüntülər müzakirələrə səbəb olub.

Musavat.com-un təqdim etdiyi videoda Çində it əti ilə bağlı ənənəvi qida mədəniyyətinin nümunəsi əks olunub. Kadrlarda it cəmdəklərinin küçə bazarında asıldığı, bişirildikdən sonra doğranaraq çörək arasına qoyulub satıldığı görünür. Bu görüntülər sosial mediada geniş müzakirələrə səbəb olub.

Çində bəzi bölgələrdə it əti ənənəvi yemək hesab edilir və bu cür qida küçə bazarlarında müştərilərə təqdim olunur. Sözügedən videoda insanların bu yeməyi maraqla alıb yedikləri müşahidə edilir.

Qeyd edək ki, Çində it əti yeməyi geniş yayılmış mədəniyyətin bir hissəsi olsa da, bu praktika son illərdə həm yerli əhali, həm də beynəlxalq ictimaiyyət tərəfindən tənqid edilir. Heyvan haqları müdafiəçiləri və bəzi sosial qruplar itlərin qida məqsədilə istifadəsini qeyri-etik hesab edir və bu ənənənin dayandırılmasını tələb edirlər.

Sosial mediada yayılan bu video, həm mədəni müxtəliflik, həm də heyvan haqları ilə bağlı müzakirələri yenidən gündəmə gətirib.