"Kasıbla evlənənin ərindən başqa heç nəyi olmayacaq, düz demişəm"

“Rusların bir məsəli var, kimin dolu cibi varsa, o, hər şeyi edə bilir”.

News24.az xəbər verir ki, bunu "Liatris" Holdinqin rəhbəri, tanınmış iş xanımı Ruhiyyə Əliyevanın yeni layihəsi olan "Qaranlıqda həqiqət"in qonağı, professor Məhəbbət Dəmirçiyeva deyib:

“Təbii ki, onların da arasında istisnalar var. İstisnasız olarsa, yer ayağınızın altından qaçar. Leninin heyat yoldaşı Krupskaya çox ağıllı qadın olub. Lenin onun evi ilə üzbəüz evdə yaşayan fransız qadınla sevgili kimi yaşayıb. Krupskayanın sevməyərək evləndiyini tarix olaraq bilirik. Görün, nə qədər ağıllı qadın olub ki, onun evində olanda öz işığını söndürüb ki, o bilməsin. Lenin evə gəlməzdən əvvəl də yerinə girib, özünü yatmış kimi göstərib. Zamanında o qadını Bakıya gətiriblər, vərəm xəstəliyindən ölüb. Hüzr yerində Krupskaya da olur və deyir ki, bəlkə o qadının 4 uşağını övladlığa götürüb saxlayaq. Və o böyüklükdə dövrünün inqilabi siyasətçisi yoldaşına deyir ki, sən hər şeyi bilirdin? Krupskaya da öz növbəsində bu məsələlərdən xəbərdar olduğunu deyib. 

Ağıllı qadın çox şey edə bilər. O ki qaldı, mən deyirəm ki, kasıbla evlənənin ərindən başqa heç nəyi olmaz, əslində, çox gözəl demişəm. Mən düz deyirəm, mən demirəm ki, kasıbla evlənmək olmaz. Hər ikisi əl-ələ versə, varlana bilərlər”.

Ağa Dadaşzadə