Əsədin qorxu salan ordusu necə çökdü - BÜTÜN SİRRLƏR...

Heyət Təhrir əş-Şamın (H*TŞ) rəhbərlik etdiyi müxalif qruplar illərdir Suriyada davam edən vətəndaş müharibəsinin təzyiqi altındadır. Noyabrın 27-də müxalifət qruplarının başlatdığı hücumlar Əsəd rejiminin devrilməsi ilə nəticələndi. İki həftədən bir qədər az vaxt ərzində müxalifət paytaxt Dəməşqə daxil olub və keçmiş prezident Bəşər Əsədi devirilib və onun ordusu əriyib gedib. Bu uğursuzluq yüz minlərlə insanın ölümünə səbəb olan 13 illik vətəndaş müharibəsinə qəfil son verib.

Bəs, ordu necə dağıldı?

News24.az xəbər verir ki, Reuters bu barədə rejim ordusundan olan mənbələrlə danışıb.

Mənbələr əsgərlərin ruhdan düşməsi, xarici müttəfiqlərə, xüsusən də komandanlıq strukturuna həddən artıq güvənməsi və korrupsiyaya qarşı artan qəzəb nəticəsində Əsədin bir vaxtlar qorxu salan ordusunun zamanla necə məhv edildiyinin təfərrüatları ilə izah edub.

Bütün yüksək səviyyəli mənbələr 2011-ci ildə vətəndaş müharibəsi başlayandan bəri Əsədin ordu komandanlığının müttəfiq İrandan və İran tərəfindən maliyyələşdirilən qruplardan asılı olduğunu bildirib. Bildirilib ki, Suriya ordusunun əməliyyat komandanlığı strukturunun böyük bir hissəsi İranın hərbi məsləhətçiləri və onların milis müttəfiqləri tərəfindən idarə olunur.

Suriyanın iki təhlükəsizlik mənbəsi Hələbə hücumdan sonra rejim ordusunun əsgərlərinə dəqiq bir plan verilmədiyini bildirib. Orduya bildirilib ki, onlar ya problemi öz aralarında həll etməlidirlər, ya da yenidən birləşmək üçün strateji əhəmiyyətli Homs şəhərinə çəkilməlidirlər.

Orduda birlik yox idi

Hərbi mənbələrdən alınan məlumata görə, rejim ordusunun meydanda qalması ilə bağlı ciddi birlik çatışmazlığı var idi.

Zabitlər əsgərləri işdən çıxarmaq üçün rüşvət alır və ya əsgərlərə deyirdilər ki, evlərinə gedib maaşlarını özləri yığsınlar. Buna görə də çoxlu sayda qoşun qeyri-kafi idi.

ƏSƏD ZƏNGİN OLDU, ORDU...

Rejim ordusu mənbələri müharibənin əvvəlində qazanılan ağrılı hərbi qələbələrə baxmayaraq, maaşların daim aşağı olması və Əsəd ailəsinin hədsiz dərəcədə zəngin olması xəbərinin təsiri ilə həm zabitlərin, həm də əsgərlərin mənəviyyatının pisləşdiyini bildirib.

Eyni zamanda, getdikcə daha da sərt olan əmr və təhdidlər daha çox əsgər və zabit fərarilik etməsinə səbəb olurdu.

Bu vəziyyət isə ordunun və rejimin qaçılmaz sonunu hazırladı.

Günel Məlikzadə