Ulduz futbolçuda dopinq aşkarlandı - 4 illik qadağa...

"Çelsi"nin ukraynalı ulduz futbolçusu Mixaylo Mudrikin dopinq* (idmançıların yarışda üstünlük qazanmalıarı üçün istifadə etdikləri performans artırıcı dərman və ya üsulların ümumi adıdır)  testi müsbət çıxıb. 

News24.az xəbər verir ki, Mudrik də dopinq xəbərini təsdiqləyərək, bu sözləri deyib:

"Təqdim etdiyim nümunədə qadağan olunmuş maddənin olduğu barədə mənə bildiriş gəldiyini təsdiq edə bilərəm. Bu, mənim üçün tamamilə şok oldu, çünki mən heç vaxt qadağan olunmuş maddədən istifadə etməmişəm və ya hər hansı qaydaları pozmamışam. Mən bunun necə baş verdiyini araşdırmaq üçün komandamla yaxından işləyirəm. Mən səhv bir şey etmədiyimi bilirəm və ümid edirəm ki, ən qısa zamanda sahəyə qayıdacağam”.

Eyni zamanda, Böyük Britaniyanın Antidopinq agentliyinin Mykhaylo Mudrikə 4 il müddətinə qadağa qoyacağı barədə şayiələr yayılıb.

Günel Məlikzadə