Avtobus 2 nəfəri vurdu - Birinin 3 yaşı var

Rusiyanın Krasnoyarsk şəhərinin Leninski rayonunda iki azyaşlı bədbəxt hadisə nəticəsində xəsarət alıb.

News24.az xəbər verir ki, bu barədə Rusiya Daxili İşlər Nazirliyinin Krasnoyarsk diyarı üzrə Baş İdarəsinin mətbuat xidməti məlumat yayıb.

Məlumata görə, avtobus sürücüsü yaşayış evinin yaxınlığında 17 və 3 yaşlı iki piyadanı vurub.

Qeyd edilib ki, uşaqlar yolu nizamlanmayan keçiddən keçirmişlər. Onların hər ikisi xəsarət alıb və təcili tibbi yardım maşını ilə müayinə olunmaq üçün xəstəxanaya aparılıb.

Ağa Dadaşzadə