Trampdan müharibəni dayandırmaq planı – Putinlə görüşmək istəyir

ABŞ-ın yeni seçilmiş prezidenti Donald Tramp bazar günü Rusiya lideri Vladimir Putinin Ukraynadakı müharibəni müzakirə etmək üçün onunla mümkün qədər tez görüşmək istəyini ifadə etdiyini bildirib.

News24.az CNN-ə istinadən xəbər verir ki, bunu Tramp Arizonada çıxışı zamanı deyib.

Tramp Rusiyanın Ukraynadakı müharibəsinə son qoymaq üçün danışıqlar apararkən Putinlə prezidentliyinin əvvəlində görüşə biləcəyini təklif edib.

Tramp deyib ki, müharibəni bitirmək “tez etmək istədiyim işlərdən biridir” və Putinin onunla “mümkün qədər tez” görüşmək istədiyini deyib.

“Ona görə də biz bunu gözləməliyik. Amma bu müharibəni bitirməliyik”, - Tramp deyib.

Keçən həftə Putinin media üçün illik mətbuat konfransı zamanı o, Trampla potensial danışıqlara hazır olduğunu bildirib.

Qeyd edək ki, Donald Tramp seçki kampaniyası zamanı dəfələrlə Putinlə yaxşı münasibəti ilə öyünüb. O, həmçinin seçiləcəyi təqdirdə, Ukraynadakı müharibəni 24 saat ərzində dayandıracağına dəfələrlə söz verib.

Almaniyanın keçmiş kansleri Angela Merkel öz xatirələrində Donald Trampla münasibətdə çətinliklərini təsvir edib və onu avtoritar liderlərin valeh etdiyi adam adlandırıb.

Noyabrda Rusiyanın “Verstka” nəşri yazıb ki, Putin Trampı qeyri-rəsmi şəkildə prezident seçkilərindəki qələbəsi münasibətilə “tanışları vasitəsilə” təbrik edib.

Media ABŞ seçkilərindən sonra Trampla Putin arasında telefon danışığı barədə də məlumat yayıb, lakin Kreml bunu təkzib edib.

Aynurə