Bakı sakinləri İsmayıllıda qəzaya düşdülər -iki minik avtomobili toqquşdu

İsmayıllıda iki minik avtomobili toqquşub.

News24.az xəbər verir ki, hadisə Bakı-Muğanlı-İsmayıllı yolunda, İsmayıllının Basqal kəndi ərazisindən keçən hissəsində baş verib. İki minik avtomobillərinin toqquşması nəticəsində 4 nəfər xəsarət alıb.

Qəzada xəsarət alanların kimliyi bəlli olub.

Belə ki, bunlar Bakı şəhər sakinləri 1989-cu il təvəllüdlü Nərgiz Bilalova, 1956-cı il təvəllüdlü Fətəliyeva Gülcamal Teymur qızı, Mingəçevir şəhər sakini 1988-ci il təvəllüdlü Hacıyeva Əminə Zakir qızı, Şəki şəhər sakini  1987-ci il təvəllüdlü Məmmədov Ceyhun Polad oğludur.
 Yaralılar İsmayıllı rayon mərkəzi xəstəxanasına yerləşdirilib.

Faktla bağlı araşdırma aparılır.