Pezeşkian bu tarixdə Putinlə görüşə GEDİR

İran prezidenti Məsud Pezeşkian ikitərəfli münasibətləri və regional məsələləri dəyərləndirmək üçün yanvarın 8-də İraqın baş naziri Məhəmməd Şia əl-Sudanini qəbul edəcək.

News24.az-ın məlumatına görə, bu barədə İran Prezident Aparatının Siyasi Məsələlər üzrə müavini Mehdi Senayi sosial media hesabındakı paylaşımda bildirib.

Senayi daha sonra qeyd edib:

“Prezident Pezeşkian cənab Vladimir Putin və cənab İmam Əli Rəhmondan dəvət alıb və yanvarın ortalarında Rusiya və Tacikistana səfər edəcək. Bu səfərlər zamanı ikitərəfli münasibətlərin yaxşılaşdırılması üçün bir çox sənədlər imzalanacaq”.

İranın Moskvadakı səfiri Kazım Celali Məsud Pezeşkianın Rusiyaya səfərinin tarixi əhəmiyyət daşıyacağını açıqlayıb.

Celali səfərin iki ölkə prezidentləri arasında hərtərəfli əməkdaşlıq sazişinin imzalanması və ikitərəfli əlaqələrin daha da gücləndirilməsi məqsədi ilə həyata keçiriləcəyini bildirib.

İran səfiri prezident Pezeşkianın yanvarın 17-də Rusiyaya səfər edəcəyini bildirib./Modern.az