Avtobusda qorxu dolu anlar: Ətrafa atəş açdı

Türkiyədə metrobüsdə qorxulu anlar yaşanıb. 

News24.az xəbər verir ki, sərxoş olduğu aşkarlanan şəxs yanındakı tapança ilə metrobüs içərisində bir atəş açıb. Şübhəli daha sonra avtomobildən düşərək dayanacağa bir atəş açıb.

Xəbərdarlıq üzərinə əraziyə gələn polis qrupu şübhəli şəxsi yaxalayaraq saxlayıb. Hadisə zamanı metrobüsdə olan sərnişinlər böyük qorxu yaşayıb.

Şübhəlinin atdığı güllələrdən birinin metrobüsə, digərinin isə dayanacaqdakı reklam lövhəsinə dəydiyi müəyyən edilib. Nəzarətə alınan şübhəlinin təqaüdçü mühafizəçi olduğu öyrənilib.

Polis hadisə ilə bağlı araşdırmalara başlayıb.

Günel Məlikzadə