Norveçdən Ukraynaya görünməmiş dəstək

Norveç 3 ildir davam edən müharibədə Ukraynaya tarixinin ən böyük hərbi yardımını verməyə hazırlaşır.

News24.az xəbər verir ki, Umerov yanvarın 9-da Almaniyada keçirilən Ramşteyn sammiti çərçivəsində Norveçin müdafiə naziri Byorn Arild Qram ilə görüşüb.

Umerov həmkarı ilə görüşündən sonra verdiyi açıqlamada ölkənin 2025-ci ildə Ukraynaya hərbi yardım üçün təxminən 2 milyard dollar ayırdığını açıqlayıb.

Onu da bildirək ki, Norveç üç ildir davam edən müharibədə Ukraynanın ən sadiq tərəfdarlarından biridir.

Günel Məlikzadə