"Paşinyan hakimiyyətdə qalmaq üçün..."

"Ermənistanın Baş Naziri Nikol Paşinyan tamamilə dərk edir ki, davamlı sülhə ehtiyac var və buna görə də sülh sazişinin mətni tam razılaşdırıldı".

Bu sözləri Böyük Britaniyanın tanınmış politoloq-jurnalisti Nil Vatson Musavat.com-a açıqlamasında deyib.

Politoloqun fikrincə, sülh Sovet İttifaqının dağılmasından 34 il sonra, yalnız ölkəsinə həqiqi müstəqilliyi əldə etmək üçün Paşinyanın yeganə yoludur:

"Onun anti-Rusiya siyasətləri Moskvaya və onun təsirinə tarixdə yer açıb və o, Azərbaycanla daha bir münaqişə riski ilə üzləşmək istəmədi, çünki Rusiya - Ukraynaya qarşı müharibəsində yarımçıq uğur qazanma perspektivi ilə - vəziyyətdən faydalanmağa çalışa bilərdi. Lakin, Ermənistan Rusiyanı öz ən yaxın müttəfiqi kimi əvəz edəcək uyğun bir alternativ tapmadı. Buna görə də, onlar Qərb parlamentlərində və beynəlxalq təşkilatlarda anti-Azərbaycan qərarlarının qəbul edilməsini təmin etməyə çalışırlar. Ermənistan, öz müttəfiqi kimi Avropanı və AB-ni cəlb etməyə çalışır. Azərbaycanı təcavüzkar kimi yalnış təqdim etmək bu məqsədə çatmaq üçün kömək edəcək və xüsusilə Fransa və frankofon dünyasında bu cəhdə dəstək tapacaq. Bundan əlavə, Avropada sağa doğru meyl və islamofobiya bu məsələdə Ermənistana yardım edir. Nəhayət, bütün ermənilər və erməni diasporasının üzvləri sülhü dəstəkləmir. Paşinyan onların dəstəyini istəyir və ehtimal ki, bu müharibəçi ritorika onun hakimiyyətdə qalmasına kömək edəcəyini düşünür".