Ən sevimsiz 4 bürc - Onları heç kim istəmir!

Astrologiyaya görə, bəzi bürclər ünsiyyət tərzləri və davranışları ilə ətrafındakı insanları çətin vəziyyətə sala bilər.

News24.az xəbər verir ki, insanların bəzən çətin qəbul etdiyi bürclər arasında Qoç, Əqrəb, Əkizlər və Qız yer alır.

Qoç bürcü enerjili, cəsarətli və açıq sözlüdür. Lakin bu açıqsözlülük bəzən sərt və düşüncəsiz ifadələrə səbəb ola bilər. Xüsusilə emosional mövzularda daha həssas yanaşma gözləyən insanlar üçün onların davranışları aqressiv görünə bilər.

Əqrəblər ehtiraslı və dərin düşüncəli fərdlərdir. Lakin ifadə tərzləri və kəskin sözləri bəzən ətraflarındakı insanlara psixoloji təzyiq kimi təsir edə bilər. Hiss etdiklərini güclü şəkildə ifadə etdikləri üçün bəzən sərt və sarsıdıcı görünə bilərlər.

Əkizlər bürcü ünsiyyət bacarığı və zəka ilə tanınır. Lakin dəyişkən təbiətləri onları qeyri-sabit göstərə bilər. Tez-tez fikirlərini dəyişmələri və sözlərinin arxasında durmamaları ətraflarındakı insanları çaşdıra bilər. Bəzən qarşı tərəfin emosional vəziyyətini nəzərə almadan danışmaları problem yarada bilər.

Qız bürcü detallara diqqət yetirməsi və tənqidi yanaşması ilə tanınır. Lakin bu xüsusiyyət bəzən onları soyuq və tənqidçi göstərə bilər. Mükəmməlliyyətçiliyi və daim qüsurları dilə gətirməsi ətrafındakı insanları yorur. Davamlı tənqid olunmaq bir çox insan üçün çətin ola bilər./Yenisabah.az