Rezidenturaya boş qalan plan yerlərinə ərizə qəbulu elan edilir

Boş qalan plan yerlərinin müsabiqəsində iştirak etmək istəyən və ixtisas seçiminə buraxılmış namizədlər Dövlət İmtahan Mərkəzinə (DİM) müraciət edə bilərlər.

DİM-dən News24.az-a verilən məlumata görə, 2019/2020-ci tədris ili üçün rezidenturaya qəbul olanların qeydiyyatı başa çatmışdır. Boş qalan plan yerlərinin müsabiqəsində iştirak etmək istəyən və ixtisas seçiminə buraxılmış namizədlər 7 və 8 avqust 2019-cu il tarixlərində saat 10:00-dan 16:00-dək şəxsiyyəti təsdiq edən sənədin əsli və surətini təqdim etməklə, şəxsən DİM-ə (ünvan: Bakı şəhəri, A. Salamzadə küçəsi 28, keçmiş Bakı Asiya Universitetinin binası) müraciət edə bilərlər.