Əvəz Zeynallıya xərçəng diaqnozu qoyuldu

“Xural” internet televiziyasının həbsdə olan rəhbəri Əvəz Zeynallıya xərçəng diaqnozu qoyulub.

Publika.az xəbər verir ki, bu barədə onun həyat yoldaşı Məlahət Zeynallı "Facebook"da məlumat yayıb.

M.Zeynallının sözlərinə görə, həyat yoldaşı Ədliyyə Nazirliyinin Baş Tibb İdarəsinin Müalicə Müəssisəsinə göndərilib:

“Təxminən 1 ay əvvəl Onkologiya Mərkəzinə aparıb, “biopsi” götürdülər. 10 gün əvvəl nəticəni Əvəz bəyə açıqlayıblar”.

Xanımı qeyd edib ki, onun bağırsağında olan bədxassəli şiş artıq metastaz verib və xərçəng qara ciyərinə yayılıb. Bu günlərdə kimyaterapiyaya başlayacaqlar.