Əyləncə kabusa döndü: - Yaralılar var

Almaniyanın Bavariya əyalətində keçirilən festivalda fırlanan yelləncək reklam dirəklərinə çırpılıb. 

News24.az xəbər verir ki, qəza nəticəsində 5 nəfər xəsarət alıb.

Bütün oturacaqları dolu olan fırlanan yelləncəkdə texniki nasazlıq baş verib.

Yerə endirilən yelləncəklər sürətini azaltmadığı üçün oturacaqlar reklam dirəklərinə dəyib. Hadisə zamanı yaşları 10-32 arasında olan üç nəfər orta-ağır, iki nəfər isə yüngül bədən xəsarətləri alıb. Hadisə yerinə çoxlu sayda ilk yardım briqadaları göndərilib.

Prokurorluğun müraciəti əsasında texniki ekspertin nəzarəti altında araşdırma başlanılıb.

Günel Məlikzadə