Salyanda avtomobil kanala düşdü: ölənlər var

Salyanda avtomobilin su kanalına aşması nəticəsində üç nəfər ölüb.

Axar.az xəbər verir ki, hadisə Parça Xələc kəndində qeydə alınıb.

Rayonun Seyidan kəndindən Gəncəli kəndinə doğru hərəkətdə olan QAZ-31 markalı avtomobil yolun kənarındakı su kollektoruna düşüb.

Qəza nəticəsində Gəncəli kənd sakinləri 1971-ci il təvəllüdlü Qafarov Sərraf Abbasağa oğlu, 1989-cu il təvəllüdlü Dəmirov Camal Mürşüd oğlu və 1987-ci il təvəllüdlü Həsənov Ramiq Vahil oğlu hadisə yerində ölüblər.

Faktla bağlı araşdırma aparılır.