Dəhşətli hadisə! 2 yaşlı uşaq üçüncü mərtəbədən yıxıldı

Mingəçevirdə 2 yaşlı uşaq binanın 3-cü mərtəbəsindən yıxılıb.
News24.az xəbər verir ki, APA-nın məlumatına görə, hadisə Energetik yaşayış massivindəki Naxçıvan küçəsində baş verib.
Nəzarətsiz qalmış 2017-ci il təvəllüdlü şəhər sakini Rəcəbov Uğur İlkin oğlu yaşadığı beşmərtəbəli binanın 3-cü mərtəbəsindən yerə düşüb.
Ağır xəsarət alan azyaşlı dərhal xəstəxanaya yerləşdirilib.
Faktla bağlı araşdırma aparılır.