Həbsxanadan qaçan məhkum 17 il sonra ələ keçdi - FOTO

Həbsxanadan qaçan məhkum 17 ildən sonra ələ keçib.

News24.az xarici KİV-ə istinadən xəbər verir ki, hadisə Çində yaşanıb. Song Jiang adlı məhbus illər ərzində mağarada hüquq mühafizə orqanlarından gizlənib. 

Qaçan məhkumun yerini isə dronların vasitəsi ilə aşkar etmək mümkün olub. Hava müşahidəsi aparan polislər mağaralardan birinin üzərində dəmir örtük, yaxınlığında isə zibilin olduğunu görüblər. 

Mağaraya baxış keçirilən zaman isə orada Song Jiang olub. Polislərlə ünsiyyət qurmaqda çətinlik çəkən məhbus yenidən həbsxanaya göndərilib.

Qeyd edək ki, Song Jiang qadın və uşaq alverinə görə cəza alıb.