USD 1.7
EUR 1.8927
TRY 0.2496
RUB 0.0242
  • Bakı 21°C
  • ŞUŞA 14°C
  • GƏNCƏ 23°C
  • LƏNKƏRAN 16°C
  • ŞƏKİ 19°C
  • QUBA 18°C
  • NAXÇIVAN 17°C

Kortejlə avtoşluq edən Hüseyn və dostları həbs edilə bilər

ŞOU-BİZNES

Mətn ölçüsü

Samara vilayətinin qubernatoru Dmitri Azarov oktyabrın 6-sı, gecə saatlarında kortejlə avtoşluq edən azərbaycanlı blogger Hüseyn Həsənovla dostlarının sərt şəkildə cəzalandırılmasını, məsuliyyətə cəlb edilməsini tələb edib.


News24.az “İnterfaks”a istinadən  xəbər verir ki,  bu cür nümayiş aksiyaları yeniyetmələri oxşar hərəkətləri davam etdirməyə təhrik edir. O, yarışda iştirak edən avtomobillərin qeydiyyat nömrələrinin müəyyənləşdirildiyini qeyd edib.


Bu məqamda bildirək ki, yol polisi əməkdaşları sosial şəbəkələrdə yayılmış qeydləri araşdıraraq, 6 oktyabr saat 3:45-dən 3:50-dək 12 avtomobildən ibarət kortejin Voljskiy prospektində yol hərəkəti qaydalarını pozduğu qənaətinə gəliblər. 11 avtomobil Sankt-Peterburq şəhər sakini, 1994-cü il təvəllüdlü Hüseyn Həsənova məxsus “Gelandewagen” markalı maşını izləyib.

Rusiya Daxili İşlər Nazirliyinin Samara bölgəsindəki Baş İdarəsinin Mətbuat xidmətindən bildirilib ki, qayda pozanlar barəsində inzibati işlər açılıb. Onlardan 4-ü artıq cinayət məsuliyyətinə cəlb olunub. 


Bölgənin yol polisinin rəhbəri Yuri Nekrasov digər sürücülərin də kimliyinin müəyyənləşdirilərək onların da məsuliyyətə cəlb ediləcəyini vəd edib.


Qeyd edək ki, H. Həsənov Azərbaycan və Rusiyada geniş tamaşaçı kütləsinə malikdir. Onun instaqram izləyicilərinin sayı artıq 12 milyona çatır. 

Video

Xəbəri paylaş: