Prezident sabiq nazirləri sərt tənqid etdi "100 milyonlarla manat..."

Xəbər verdiyimiz kimi, ötən gün Prezident İlham Əliyevin yanında iqtisadi müşavirə keçirilib.

News24.az xəbər verir ki, dövlət başçısı çıxışında aparılan islahatlardan söz açıb.

Prezident əvvəllər Vergilər Nazirliyi və Əmək və Əhalinin Sosial Müdafiəsi Nazirliyində biabırçı vəziyyətin olduğunu, islahatlardan sonra problemlərin aradan qaldırıldığını qeyd edib:
"Bizdə elə sahələr bizdə var idi ki, hesab olunurdu ki, orada islahat aparıla bilməz. Onlardan biri də vergi sistemi idi. Hesab olunurdu ki, bu biabırçı vəziyyət əbədi qalmalıdır və burada heç bir irəliləyişə nail ola bilmərik. Amma hər kəs gördü ki, islahatlar yolu ilə biz vəziyyəti düzəldə bildik. 100 milyonlarla manat xəzinəyə daxil oldu. Həmçinin sosial müdafiə sahəsində nə qədər pozuntular olub. Yeni nazir Sahil Babayev bunları üzə çıxarıb"
Qeyd edək ki, aparılan islahatlardan sonra Fazil Məmmədovun yerinə Mikayıl Cabbarov Vergilər naziri, Səlim Müslovun yerinə isə Sahil Babayev Əmək və Əhalinin Sosial Müdafiəsi naziri təyin olunub.