Prezidentdən reket mətbuatdan silah kimi istifadə edənlərə XƏBƏRDARLIQ

Azərbaycan Prezidenti İlham Əliyev reket mətbuatdan silah kimi istifadə edənlərə sərt xəbərdarlıq edib. 

News24.az xəbər verir ki, oktyabrın 15-də Azərbaycan Respublikasının Prezidenti İlham Əliyevin yanında iqtisadi müşavirə keçirilib. 

Ölkə başçısı müşavirədə islahatlara qarşı çıxan hökumət üzvlərini də tənqid edib: 

“Onu da bildirməliyəm ki, bu gün iqtidarda olan bəziləri də islahatlara qarşı çıxış edirlər. Bu islahatlar onların şəxsi maraqlarına toxunur. Hər vəchlə bizim işimizə əngəl törətmək istəyirlər. İslahatlara meyilli olan, yeni təfəkkürə malik olan kadrları qaralayırlar. O cümlədən, mətbuat bir növ daxili mübarizə növünə çevrilib. Bu, dözülməzdir. Mən indi dərinə getmək istəmirəm, amma bildirməliyəm ki, bir hökumət üzvü digər hökumət üzvləri tərəfindən şantaj edilir. Onlar ləkələnir. Onların apardığı islahatlar, hansılar ki, Prezidentin tapşırığıdır, onlara kölgə salınır. Dözülməz vəziyyətdir".