Evlilik təklifinin adətən kişilər tərəfindən edildiyi məlumdur. Lakin, bu qaydanı pozanlar da tapılır. 

News24.az xanımların seçdikləri şəxsə evlilik təklifi etmədən öncə bilməli olduqları 5 əsas şərti təqdim edir:

1.Evliliyə münasibətini nəzərdən keçirin. Əgər seçdiyiniz şəxs evlilik anlayışını qınayırsa, o zaman təklifiniz çox güman ki, yersiz olacaq.

2.Hər hansı bir cavab üçün hazır olun. Əlbəttə ki, bu, imtina cavabına hazır olun demək deyil. Ancaq bilməlisiniz ki, təklifinizlə seçdiyinizi şoka sala bilərsiniz və o dərhal müsbət cavab verə bilməyəcək. Hətta qorxub imtina edəcək. Bununla qorxmaq lazım deyil. Cəsarətli bir qadınsınız, niyyətlərinizi dəqiq ifadə etdiniz, indi sevdiyinizə bu məlumatı "həzm" etməyə vaxt verin.

3.Hər şey plana uyğun olmaya bilər. Təklif etmədən əvvəl, “B” planını və ya gözlənilməz hallar halında geri çəkilmə yolunu diqqətlə nəzərdən keçirin.

4.Onun səmimiliyinə şübhə ilə yanaşacaqsınız. Gec-tez, seçdiyiniz şəxsinsizi həqiqətən də sevdiyini yoxsa çıxılmaz vətiyyətə düşdüyü üçün razılandığını düşünəcəksiniz.Şübhə varsa, bu məsələni qarşınızdakı şəxslə yumşaq bir şəkildə müzakirə etməyə çalışın. Ömrünüzün axırına qədər "Məni özünlə evləndirən sənsən!" sözünü eşitmək heç də yaxşı hiss deyil.

5. Zarafatlara hazır olun.Qızdan təklif, cəmiyyət olaraq çox sürətlə inkişaf etdiyimizə baxmayaraq olduqca qeyri-adi bir hadisədir. Başqaları tərəfindən istehza və gülüşlə qarşılaşa bilərsiniz. Unutmayın, belə reaksiya insanın dünyagörüşünə uyğun olmayan bir şeylə qarşılaşdıqda meydana gəlir.

6.Təklifiniz kişini alçalda bilər. Əgər həmin şəxsailədə vacib qərarların kişi tərəfindən verilməsini dəstəkləyirsə, o zaman bu onun o qədər xoşuna gəlməyəcək. Digər tərəfdən, həqiqətən köhnə düşüncənin adamları evlilikdən çəkinmirlər və məsuliyyət daşımağı bacarırlar.

Evlilik təklifi üçün bunlara diqqət edin:

Bunu həyata keçirməyi planlaşdırdığınız üsulu seçmək üçün həmin şəxsin hobbi, maraqları və xasiyyətini nəzərə alın. Onun müsbət cavabından əmin deyilsinizsə, küçədəki etiraflardan və möhtəşəm mərasimlərdən çəkinin. Beləliklə, həm özünüzü, həm də qürurunu qoruyursunuz. Münasibətinizdəki xoş anları xatırladan suvenir hədiyyə edin və ya çoxdan istədiyi bir hədiyyə verin. Kişinizin yaxşı əhval-ruhiyyəsi olduqda evlilik barədə danışın, məsələn, bayram atmosferindən yararlanın.

Teglər: Xanımlar Evlilik təklifi Hadisə Maraqlı
Kotanli