Gələn il üçün Azərbaycanda inflyasiyanın SƏVİYYƏSİ AÇIQLANDI
    • 26-12-2019, 12:21
    • 819

Gələn il üçün Azərbaycanda inflyasiyanın SƏVİYYƏSİ AÇIQLANDI

"Azərbaycanda inflyasiya səviyyəsi optimal həddədir".

News24.az xəbər verir ki, bunu Azərbaycan Respublikası İqtisadi İslahatların Təhlili və Kommunikasiya Mərkəzinin icraçı direktoru Vüsal Qasımlının 2019-cu ilin iqtisadi yekunlarına dair Yeni Azərbaycan Partiyasının İcra Katibliyində keçirdiyi mətbuat konfransında deyib.

Onun sözlərinə görə, inflyasiya səviyyəsi Azərbaycan Mərkəzi Bankının nəzarətindədir:"İnflyasiya səviyyəsi Azərbaycan üçün hazırda nə yuxarı, nə də aşağıdır. Çox yaxşı haldır ki, Azərbaycan Mərkəzi Bankı buna nəzarət edir. Beynəlxalq təşkilatlar da bildirir ki, Azərbaycanda hazırda mövcud olan 2,6%-lik inflyasiya göstəricisi optimaldır. Gələn il Azərbaycanda 4,8%-lik inflyasiya proqnozlaşdırılır".

Mərkəzin icraçı direktoru əlavə edib ki, inflyasiya göstəricisində volatiliyin olması təhlükəlidir: "Həm inflyasiya göstəricisinin kəskin artması, yaxud kəskin azalması eyni dərəcədə təhlükəlidir".

Afaq Mirayiq