Xoşqədəm izləyicilərinə səsləndi: “Bizdən əl çəkin”

Əməkdar jurnalist Xoşqədəm Hidayətqızı şəxsi həyatı ilə bağlı açıqlama edib. 

O, şəxsi Instagram hesabında ailəsi ilə olan fotosunu paylaşaraq xoşbəxt olduqlarını bildirib:

“Deməli bu gün mənə gələn mesajlara baxdım. Bir saxta hesabdan gələn foto diqqətimi çəkdi. Xatırlayırsınızsa illər öncə “Show” TV-dən “Benzemez kimse sana” adlı layihəsi yayımlanırdı və çox reytinqli idi. 

O layihədə mənim həyat yoldaşım da var idi. Doğuş Ebru Gündeşi təqlid edirdi. Qeyd edim ki, verilişdə kukisdə baş verənlər də yayımlanırdı.

Həmçinin Doğuşun da hazırlıqları yayımılanmışdı. Hətta Doğuş özü də həmin fotoları şəxsi Twitter hesabında paylaşmışdı. Bu fotonu mənə yollayan kişimi, qadınmı, yoxsa kişicikmi deyim bilmirəm nə demək istəyib. İndi qadın paltarı geyinən aktyorlar nə etsin? Görəsən onların xanımlarına da şəkil yollayırlar? Ay bala niyə özünüzü öldürürsünüz? Biz yaşayırıq. “Moşu” demişkən xoşbəxtik, halımızdan da məmnunuq.

Oranı-buranı axtarmaqdansa get xoçbəxt ol. Dörd il oldu. İki övladımız var. Əl çəkin biz xoşbəxtik. Kimsəyə toxunmadan yaşayırıq. Maşallah deməyi də unutmayaq”.

Teymur Məmmədov