Gizlənpaç oynayan 8 yaşlı uşağa təcavüz etmək istədi, həbs olundu

Adanada dostları ilə gizlənpaç oynayan 8 yaşlı qız gizlənmək üçün binanın pilləkən boşluğuna girib. 

Bu vaxt oyuna qoşulmaq istədiyini bildirən 45 yaşlı qonşusu, onu binanın zirzəmisinə apararaq seksual xarakterli hərəkətlər edib.

News24.az xəbər verir ki, digər uşaqların qışqırıq səslərini eşidən şəxsin təşvişə düşməsindən istifadə edən uşaq şübhəlinin əlindən qaçıb. 

Ailəsi hadisə ilə bağlı polisə  məlumat verdikdən sonra, həmin şəxs saxlanılıb. 

Müxbirə açıqlama verən ana, qızının xroniki qaraciyər və şəkər xəstəsi olduğunu bildirib. O, əlavə edib ki, qorxması ilə əlaqədar son zamanlar qızının davranışların da ciddi dəyişikliklər var. Şübhəlinin eyni məhəllədə başqa iki uşağa da seksual xarakterli hərəkətlər etdiyi iddia edilir.

Şəlalə Ağayeva