Son dəqiqə! Bakıda quş dəstəsi ilə toqquşduğu üçün təyyarə təcili eniş edib

Təyyarə Heydər Əliyev Beynəlxalq Aeroportuna təcili eniş edib.

News24.az xəbər verir ki, Bakıdan Moskvaya yerli vaxtla 20:31-də yola düşən “Azərbaycan Hava Yolları”nın J2-854 nömrəli reysinin kapitanı təyyarənin quş dəstəsi ilə toqquşmasından sonra Heydər Əliyev Beynəlxalq Aeroportuna eniş etmək qərarı verib.

Bakı vaxtı ilə 20:56-da təyyarə Bakının hava limanına uğurlu eniş edib.

Sərnişinlər Moskvaya başqa bir təyyarə ilə uçacaqlar.