Koronavirusa görə dünyada dərman istehsalı azalacaq

Dünyanın bir sıra əczaçılıq şirkətləri koronavirusun yayılmasının mənfi nəticələri barədə xəbərdarlıq ediblər.

News24.az “Wall Street”in xəbərinə görə, bununla bağlı bəzi dərmanların istehsalı azala bilər.

Əsas əczaçılıq şirkətlərinin rəhbərləri dərman komponentlərinin təxminən 80%-nin xaricdən gəldiyini qeyd edir.

Eyni zamanda Qida və Dərman İdarəsi (FDA) komponentlərin hansı hissəsinin Çindən gəldiyi barədə məlumat əldə edə bilmədiyini açıqlayıb.

Qeyd edilir ki, Çin dərman şirkətləri üçün ən böyük bazarlardan biridir.