"Pis xüsusiyyətlərin də var, aydan arı, sudan duru deyilsən" - XATİRƏDƏN ƏRİNƏ

Müğənni Xatirə İslam duet ortağı, Əməkdar artisti Vasif Məhərrəmlinin onun həyat yoldaşı Fəxrəddin haqda verdiyi açıqlamaya münasibət bildirib.

News24.az xəbər verir ki, X. İslam bu haqda "İnstagram"da video paylaşaraq V. Məhərrəmliyə səslənib: "Fəxrəddin, Vasif Məhərrəmli səni yaman tərifləyib. Bəlkə, ona ürək sözlərini çatdırasan? Bilirəm ki, Vasif o sözü niyə deyib. İstəyir hər kəsə tanıtsın ki, sən necə adamsan. Pis xüsusiyyətlərin də var, aydan arı, sudan duru deyilsən. Amma yaxşı xüsusiyyətin daha çoxdur. Vasif, sənə təşəkkür edirəm. Sən mənim 21 illik dostumsan. Çox sağ ol ki, ailəmə milyonların qarşısında belə dəyər verdin. Adam qəfil oxuyanda pisinə gəlir, düzdü, pis yazmayıblar. Vasif, mənə nə olub ki? Bəzən açıq geyinirəm, haradasa hansısa sözü danışıram, o zaman yazırlar ki, bunun yoldaşı hara baxır? Vasifin məqsədi odur ki, səni yaxşı tanıtsın. Adam səhv də danışa bilər, problem deyil. Vasif mənə deyir ki, pis demişəm? Fəxrəddin yaxşı oğlandı. Vasif, mən də heç pis qız deyiləm. Deyirəm ki, yuxarı qaldırırsansa, ikimizi də qaldır. Məni niyə yerə vurub, onu qaldırırsan? Dostlarımla münasibətim çox səmimidir. Problem yoxdur. Həmişə deyirəm ki, mənə hörmətiniz varsa, onu yoldaşıma edin. Artıq-əskik hərəkət edəndə, söz danışanda yoldaşımın adını çəkməyin".

Müğənninin həyat yoldaşı isə bu fikirlərə bu cür reaksiya verib: "Düz sözə nə deyəsən? Eybi yox, gələn dəfə deyər ki, Xatirə daha yaxşı oğlana layiqdir".

Qeyd edək ki, Əməkdar artist "Fəxrəddin daha yaxşısına layiqdir" sözlərini deyib.

Sevda Bayramova