Çində bir gündə 1535 nəfər koronavirusdan sağaldı- xəstəxanalar bağlandı

Çində ötən gün koronavirusa yoluxanlardan 22 nəfər ölüb. Ölkə üzrə ölənlərin ümumi sayı artaraq 3119-a çatıb.


News24.az xarici mediaya istinadən  xəbər verir ki, bu barədə Çinin Səhiyyə və Gigiyena üzrə Dövlət Komitəsinin son hesabatında bildirilib. 
Qeyd edilir ki, son 24 saat ərzində virusa yoluxanlardan 1535 nəfər sağalıb, bununla da xəstəxanadan buraxılanların ümumi sayı 58 min 600 nəfər olub.

O da bildirilir ki, Çinin Uhan şəhərinin stadionlarında və sərgi mərkəzlərində təşkil olunan 14 müvəqqəti xəstəxanadan 11-i bağlanıb.
Çox sayda müalicə almış xəstənin sağalmasından sonra Uhanda təşkil edilən 14 müvəqqəti xəstəxanadan 11-i ləğv edilib.